Չինաստանում կորոնավիրուսից բուժվել է 3622 մարդ, ամբողջ աշխարհում՝ 36 117 մարդ

Անցած մեկ օրում Չինաստանում գրանցվել է կորոնավիրուսից մահվան 44 դեպք, վարակման 327 նոր դեպք (մեծ մասը՝ Հուբեյ նահանգում, 318 մարդ), մահացածների ընդհանուր թիվը հասել է 2788 մարդու, հայտնել է ՉԺՀ առողջապահության հարցերով պետական կոմիտեն: Ընդհանուր առմամբ՝ վիրուսից կարողացել են ապաքինվել 36 117 հիվանդ, իսկ վարակակիր է համարվում 78 824 մարդ, վիրուսի կասկածանքով ստուգում է անցել ավելի քան 656 000 մարդ։ Բելառուսում հայտնաբերվել է կորոնավիրուսի վարակի առաջին դեպքը: Հիվանդն Իրանի քաղաքացի է, ով ժամանել է Բաքվից: Այս մասին հայտնել է Բելառուսի առողջապահության նախարարության մամուլի ծառայությունը: Նոր COVID-19 կորոնավիրուսի վարակվելու առաջին դեպքը գրանցվել է Նիգերիայում, հայտնում է երկրի Առողջապահության նախարարությունը: Հիվանդությունը հաստատվել է Լագոսում գտնվող հիվանդի մոտ: Հարավային Կորեայում նոր տիպի կորոնավիրուսի հետևանքով մահացել է 13 մարդ, հայտնում է երկրի Առողջապահության նախարարությունը: Վարակման դեպքերի թիվը հասել է 2022-ի, նախօրեին հիվանդների քանակն ավելացել է 256-ով: