Երևան`   +7 °C
Այսօր`   Ուրբաթ, 29 մարտի, 2024 թ.

Չինաստանում կորոնավիրուսից մահացածների թիվը հատել է 2000-ը․ վարակակիր է 74.185 մարդ

657
Չորեքշաբթի, 19 փետրվարի, 2020 թ., 10:35
Չինաստանում կորոնավիրուսից մահացածների թիվը հատել է 2000-ը․ վարակակիր է 74.185 մարդ

Չինաստանում COVID-19 կորոնավիրուսի հարուցած թոքաբորբից մահացածների թիվը հասել է 2004-ի, հայտնել է Չինաստանի Հիգիենայի և առողջապահության հարցերով պետական կոմիտեն: 14.376 մարդ վերականգնվել և դուրս է գրվել հիվանդանոցներից, 74․185 մարդ վարակակիր է համարվում, 5․2 հազ․ մարդ գտնվում է հիվանդանոցում։ COVID-19 կորոնավիրուսի դեպքեր են գրանցվել 25 երկրում։

Չինաստանի սահմաններից դուրս մեկական մահեր են գրանցվել 5 երկրում՝ Ճապոնիայում, Հոնկոնգում, Ֆիլիպիններում, Ֆրանսիայում և Թայվանում:

Մահացածների ռեկորդային թիվ է գրանցվել Հուբեյ նահանգում: Անցած տարվա դեկտեմբերի վերջից ընդհանուր առմամբ գրանցվել է հիվանդության 1693 նոր դեպք, մեկ օրվա ընթացքում մահացել է 132 մարդ, հիվանդների ընդհանուր թիվը հասել է 50.6 հազարի: Ուհան քաղաքում մահացել է 116 մարդ, հայտնաբերվել է 1660 նոր դեպք: Ընդհանուր 94 հաստատված հիվանդության դեպք է գրանցվել Հոնկոնգում, Մակաոյում և Թայվանում:
Diamond Princess ճամփորդանավի ուղևորները, որոնք երկու շաբաթ անցկացրել են կարանտինում՝ Ճապոնիայի ափերի մոտ, տարհանվել են։ Կորոնավիրուսի տարածման պատճառով՝ հունվարի 20-ից փետրվարի 13-ը, Չինաստանում չեղարկվել է 78 հազար թռիչք և վերադարձվել է 13 միլիոն ավիատոմս: