Երևան`   +2 °C
Այսօր`   Ուրբաթ, 21 փետրվարի, 2020 թ.

Անտարկտիդայում արձանագրվել է ռեկորդային բարձր ջերմաստիճան

1303
Ուրբաթ, 14 փետրվարի, 2020 թ., 13:35
Անտարկտիդայում արձանագրվել է ռեկորդային բարձր ջերմաստիճան

Բրազիլացի գիտնականները ռեկորդային բարձր ջերմաստիճան են գրանցել Անտարկտիդայում: Սպիտակ մայրցամաքի պատմության մեջ առաջին անգամ գրանցվել է մինչև + 18,3°C տաքություն, հայտնում է AFP-ն:

Նման տաք եղանակը գրանցվել է փետրվարի 9-ին: Հայտնի է, որ ջերմաստիճանը չափվել է Սեյմուր կղզու վրա գտնվող բևեռային կայարանում, մայրցամաքի հյուսիսային ծայրամասի մոտակայքում:
Բրազիլացի գիտնական Կառլոս Շեֆերը լրագրողներին հայտնել է, որ Անտարկտիդայում ռեկորդային բարձր ջերմաստիճանը որևէ կապ չունի գլոբալ տաքացման հետ:

Միևնույն ժամանակ, Անտարկտիդայում գրանցված ջերմաստիճանը հավանաբար կավելացնեն մոլորակի գերտաքացման հետ կապված վախերը, նշում է գործակալությունը: Անտարկտիդայում սառցադաշտերի արագ հալչումը նպաստում է ծովի մակարդակի բարձրացմանը, որն էլ իր հերթին սպառնալիք է ներկայացնում ափամերձ տարածքում գտնվող քաղաքների և փոքր կղզու բնակիչների համար։