Խորհրդարանն ընդունեց ուսման վարձավճարը եկամտային հարկով փոխհատուցելու նախագիծը
Հունվարի 24-ին ԱԺ-ն նախորդ օրը քննարկած օրինագծերի մեծ մասն ընդունեց միաձայն: «Իմ քայլից» Սիսակ Գաբրիելյանի հեղինակած օրենսդրական փոփոխությունների փաթեթով առաջարկվում է կանոնակարգել շրջիկ առևտուրը: Նախագիծն ընդունվեց, դեմ քվեարկեց ԼՀԿ-ն: Անի Սամոնյանը դեմ քվեարկելը հիմնավորեց նրանով, որ օրինագծում հաշվի չեն առնվում բիզնեսի առանձնահատկությունները, բացի այդ՝ հայեցողական մեծ հնարավորություններ են ստեղծվում քաղաքապետարանի համար: Արդյունքում՝ շրջիկ առևտուրը կամ մենաշնորհ կդառնա, կամ՝ առհասարակ կվերանա: Ընդունվեց «Իմ քայլից» Լենա Նազարյանի հեղինակած «Տեղական ինքնակառավարման մասին» ՀՀ օրենքում փոփոխություններ կատարելու մասին» նախագիծը: Դրանով առաջարկվում է մի քանի փոփոխությունների միջոցով մեծացնել տեղական ինքնակառավարման մարմինների գործունեության թափանցիկությունն ու հրապարակայնությունը: 2-րդ ընթերցմամբ ընդունվեց «Իմ քայլը» խմբակցության ղեկավար Լիլիթ Մակունցի և խմբակցության պատգամավոր Սիսակ Գաբրիելյանի կողմից մշակված եկամտային հարկը որպես ուսման վարձավճարի փոխհատուցում ստանալու հնարավորություն ընձեռող օրենսդրական նախաձեռնությունը: Առաջարկվող արտոնությունը տարածվում է միայն առկա համակարգի մագիստրատուրայում, ասպիրանտուրայում և օրդինատուրայում Կառավարության կողմից սահմանված մասնագիտություններով սովորող և միաժամանակ աշխատող ուսանողների վրա: |
Երբ կմեկնարկի առաջին դասարանցիների տվյալների ստուգման և հայտագրման գործընթացը
425Երեկ, 21:54Փաշինյանը մերժել է Մակրոնի խնդրանքը
57203.05.2024, 22:54«Մեր իրականության մեջ ավելի սարսափելի բան կա». Նիկոլ Փաշինյան
51602.05.2024, 11:36«Մայր Հայաստան»-ի ակցիան՝ ԲՈՒՀ-երում. ՈՒՂԻՂ ՄԻԱՑՈՒՄ (տեսանյութ)
15029.04.2024, 12:48«Ուսուցիչներին ստիպում են զբաղվել Նիկոլի քարոզչությամբ». Նաիրի Հոխիկյան
19228.04.2024, 02:00Բաղանիսի դպրոցի աշակերտները դասադուլ են անում (տեսանյութ)
16825.04.2024, 10:36