«Խնդրահարույց կլինի, եթե Տեսչական մարմինն այժմ Ամուլսարում ստուգումներ իրականացնի». Արթուր Ասոյան
![]() «Երբեմն մեզ վերագրվում է, որ կայացված է արդեն որոշում ամեն գնով Ամուլսարը դարձնել հանք: Մինչդեռ մեր դիրքորոշումը պետության իրավական անվտանգությունից ելնելով ձևակերպված է երկու բաց հանգրվանով. եթե ապացուցվում է, որ անվտանգ է, ապա կարող է լինել հանք, եթե ոչ՝ չի կարող լինել»,- Հանրային հեռուստաընկերության եթերում ասել է ԱԺ «Իմ քայլը» խմբակցության պատգամավոր Մարիա Կարապետյանը: Տեսչական մարմինների աշխատանքի համակարգման գրասենայակի ղեկավար Արթուր Ասոյանը նշել է, որ տնտեսվարողին հանձնարարվել է ունենալ ջրօգտագործման թույլտվություն, որը, սակայն, մինչև օրս չկա: Հանձնարարվել է նաև ունենալ սահմանված թույլատրելի արտանետումների համար թույլտվությունը, որը նույնպես չկա. «Այս պահի դրությամբ տնտեսվարողը չունի տվյալ թույլտվությունները: Գործունեություն իրականացնելու համար տնտեսվարողը պետք է ունենա այդ թույլտվությունները, առանց դրանք հանքի շահագործումը բացառված է: Եթե հանքի ճանապարհը բացեն էլ, հանքը չի շահագործվելու, որովհետև չկան այդ թույլտվությունները»,- ասել է Ասոյանը: Նա նշել է, որ այժմ եթե Տեսչական մարմինն Ամուլսարում ստուգումներ իրականացնի, դա խնդրահարույց կլինի. «Նախորդ տված ստուգման հանձնարարագրերը, որպեսզի տնտեսվարողը կարողանա կատարել կամ չկատարել, պետք է ինքը կարողանա գործունեություն իրականացնել, այսինքն՝ առնվազն մուտք ու ելք ունենա այդ տարածք: Այդ պարագայում Տեսչական մարմնին տրվելու է հետևյալ պատճառաբանությունը՝ ճանապարհները փակ են և ես գործունեություն չեմ կարողանում ծավալել»,- ասել է Ասոյանը: Մանրամասները՝ տեսանյութում: |

Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
370Երեկ, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
39315.11.2026, 19:19
Խաղողագործներին փող չեն տալիս․ «Հրապարակ»
18814.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
54013.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
17012.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43610.11.2026, 19:37
