«2010-ին, երբ օտարալեզու դպրոցներ էին բացվում, ձեզնից շատ քչերն են պայքարել». Հարությունյանը՝ դասախոսներին
ԿԳՄՍ նախարար Արայիկ Հարությունյանն այսօր հանդիպել է ԵՊՀ դասախոսների, իր հրաժարականը պահանջող ցուցարարների ներկայացուցիչների հետ: Նախարարը հանդիպման ընթացքում հարց է բարձրացրել, թե երբ պարտադիր չի դասավանդվել հայերենը, արդյոք ունեցե՞լ ենք պակաս հայրենասեր քաղաքացիներ. «Հարգելինե՛րս, որ 2010 թվականին, երբ օտարալեզու դպրոցներ էին բացվում, ձեզնից շատ քչերն են պայքարել: Այստեղ նստածներից 90 տոկոսը չի եղել դրա դեմ պայքարողների մեջ: Մենք ասում ենք, որ հայերենը և պատմությունը մեր աշակերտները պատշաճ կերպով և բարձր մակարդակով պետք է անցնեն դպրոցներում»,-ընդգծել է նախարարը: Նախարարն առաջարկել է նույն թեմայով տարբեր խմբերի հետ քննարկումներ իրականացնել. «Պատրաստ ենք շատ տարբեր ֆորմատներուվ քննարկումներն անցկացնել: Մոտավորապես 15 օր այդ քննարկումներն ունենալու ենք, կլինեն լսումներ Ազգային ժողովում և այլ հարթակներում»,- ասել է նա: Հիշեցնենք, որ «Հայոց լեզու», «Հայ գրականություն», «Հայոց պատմություն» առարկաները բարձրագույն ուսումնական հաստատություններում ոչ պարտադիր դարձնելու մասին ԿԳՄՍ առաջարկած օրինագիծը քննադատության առիթ էր դարձել ուսանողների և ՀՅԴ Երիտասարդական միության անդամների կողմից, վերջինները պահանջում են նախարարի հրաժարականը: |
Հայաստանում դպրոցներ են փակվում. Փաշինյանը խաբել է մաս 202. «Ժողովուրդ»
111Երեկ, 09:30««Բրյուսովի անվան պետական համալսարան» անվանումը ժամանակավրեպ է»․ Դ․ Գյուրջինյան
12918.04.2024, 12:06«Ճիշտ չի լինի, որ դասապրոցեսն ավարտվելուց հետո նորակառույց դպրոցների շենքերը կողպվեն»․ Նիկոլ Փաշինյան
17018.04.2024, 11:54Դիտարկվել են դեպի Ակադեմիական քաղաքի հատված տանող երկաթուղային ենթակառուցվածքները (լուսանկար)
201812.04.2024, 18:48Հաստատվել են բուհերի 2024/2025 ուսումնական տարվա ընդունելության տեղերը
202112.04.2024, 17:482-րդ դասարանի մաթեմաթիկայի դասագրքի հեղինակը՝ սխալների մասին
226711.04.2024, 23:24