«Սամվել Հարությունյանը գիտությունը թաղում է այնպես, ինչպես կրթությունը թաղում էին Լևոն Մկրտչյանը և Արմեն Աշոտյանը». Դանիել Իոաննիսյան
«12 տարի է՝ գիտության կոմիտեի նախագահ Սամվել Հարությունյանը գիտությունը թաղում է այնպես, ինչպես կրթությունը թաղում էին Արմեն Աշոտյանը և Լևոն Մկրտչյանը». նոյեմբերի 6-ին ԱԺ-ում «Գիտության հիմնախնդիրների ֆինանսավորումը» թեմայով քննարկման ժամանակ հայտարարեց «Իրազեկ քաղաքացիների միավորում» հասարակական կազմակերպության նախագահ Դանիել Իոաննիսյանը: Նա նշեց, որ ինքն արդեն հոգնել է գիտության ֆինանսավորման պակասից անընդհատ խոսելուց: Դ. Իոաննիսյանը պնդեց, որ գիտության պետական կոմիտեի աշխատաոճը կոռումպացված է. «Այս կառույցն է իրականացնում գիտության թեմատիկ ֆինանսավորումը: Դա արվում է փորձաքննության միջոցով: Գիտնականները տեղեկացված չեն լինում, թե ո՞ր փորձագետներն են իրենց հայտերը գնահատում: Այն գիտնականները, ովքեր չեն գնում կոռուպցիոն գործարքների, ասել է թե՝ հաճո չեն գիտության կոմիտեի համար, նրանց հայտերը հայտնվում են այն փորձագետների մոտ, ովքեր ցածր գնահատական են տալիս»: Դ. Իոաննիսյանը հիշեցրեց, որ Գիտության կոմիտեի նախագահ Ս. Հարությունյանը 7 տարի առաջ խոստացել էր լուծել գիտական աստիճանավորման հարցը: Նախատեսվում էր վերացնել գիտության թեկնածուի աստիճանը: Սակայն կոմիտեի նախագահը խոստումը չի կատարել և այսօր ամբիոնից ներկայացնում է, թե քանի թեկնածու ունեն: |
Ստեփանակերտի «Արմենիա» հյուրանոցն ու Երիտասարդական պալատը՝ ադրբեջանցի վանդալների թիրախում (տեսանյութ)
277025.03.2024, 17:48Starship-ն առաջին անգամ ուղեծիր է հասել, բայց չի կարողացել վայրէջք կատարել օվկիանոսի վրա
864214.03.2024, 20:27Կրկին հետաձգվել է «Արմսաթ 1» արբանյակի լուսանկարների հրապարակումը
178110.03.2024, 18:00iPhone-ի մոդելներ, որոնք Apple-ը չի թարմացնի 2024 թվականին
64227.02.2024, 23:36Ապրիլի 8-ին տեղի կունենա Արեգակի ամբողջական խավարում (լուսանկար, տեսանյութ)
25226.02.2024, 20:36«Հայաստանում գտնվել է ծովային ոզնու՝ լավ պահպանված բրածո». Նարինե Կիրակոսյան (տեսանյութ)
152821.02.2024, 01:06