Կենդանիների տեսողությունն՝ ընդդեմ մարդու տեսողության
Շատերը չեն էլ կռահում, որ կենդանիները շրջապատող աշխարհը տեսնում են ոչ այն երանգներով, ինչ որ մարդը: Սակայն գիտնականները բազմաթիվ հետազոտություններ են կատարել ու պարզել, թե ինչպիսին են տեսնում աշխարհը կենդանիները: Օրինակ, պարզվել է, որ ճպուռների ուղեղն այնքան արագ է աշխատում, որ նրանք կարողանում են շարժումը տեսնել դանդաղեցված կերպով: Օձերը որսում են տաք օբյեկտներից եկող ինֆրակարմիր ազդանշաններն, ինչի շնորհիվ գտնում են որսը: Զեբրերի ու ձիերի աչքերը տեղակայված են գլխի կողքերին, ինչը հնարավորություն է տալիս ունենալու ընդլայնված տեսողություն և խուսափելու վտանգից: Թռչունները ևս ունեն բազմաթիվ զարմանահրաշ հատկություններ: Օրինակ, պինգվինները կարող են տարբերել միայն աղի ու թթու համերը: Հավայներում ապրող պալիլները սնվում են մամանե բույսի սերմերով, որոնք այնքան թունավոր են, որ կարող են սպանել ցանկացած այլ փոքր կենդանու: Աղավնիները մյուս կենդանիներից ամենալավն են տարբերակում գույները: Նրանց հաճախ են ներգրավում որոնողափրկարարական աշխատանքներին: Ընդհանուր առմամբ՝ գրեթե բոլոր թռչուններն ունեն հիանալի տեսողություն: Նրանք տեսնում են 4 գույներ՝ ուլտրամանուշակագույն, կապույտ, կանաչ ու կարմիր: Այնինչ մարդը կարող է տարբերել միայն 3 գույն՝ կապույտ, կանաչ, կարմիր: Դեռ 2007 թվականին գիտնականները սպեկտրոֆոտոմերի օգնությամբ վերծանել են հյուսիսամերիկյան երգեցիկ թռչունների 166 տեսակ: Պարզվել է, որ այն դեպքում, երբ մարդկանց թվում է, թե էգ ու արու թռչուններն ունեն նույն երանգավորումը, թռչունները տարբեր սեռերին տեսնում են տարբեր գույներով: |
«Ադրբեջանի ռազմական ագրեսիան հանգեցրել է լուրջ բնապահպանական խնդիրների». Եղիշե Կիրակոսյանը՝ Հաագայում
400Երեկ, 21:24«Սայաթ-Նովա պողոտան հիմա այս տեսքն ունի»․ Քրիստինա Վարդանյան
83714.04.2024, 16:00Վերջին տասնամյակներում առաջին անգամ Վայոց Ձորում սև անգղի բույն է հատնաբերվել
170210.04.2024, 21:36Ուրալ գետի մակարդակը մեկ օրում բարձրացել է 81 սմ-ով (տեսանյութ)
201310.04.2024, 10:30Ապրիլի 10-ին առանձին գետերում հնարավոր են ջրի վտանգավոր ելքեր
140109.04.2024, 13:30«Ալավերդու ծառերի խորը էտը մտահոգիչ է»․ Օլեգ Դուլգարյան (լուսանկար)
15607.04.2024, 13:48