Սատկել է 141-ամյա կրիան, որը «վերապրել է» 2 համաշխարհային պատերազմները

Ըստ Independent-ի՝ սատկել է Սան Դիեգոյի կենդանաբանական այգու ամենատարեց բնակչուհին՝ «Տատիկ» անունով հալապագոսյան կրիան։

Տատիկը 141 տարեկան էր։ Նա սատկել է նոյեմբերի 20-ին։ Կյանքի վերջին տարիներին կրիան տառապում էր տարիքային ոսկրային խնդիրներից։ Նրա տառապանքներին վերջ տալու համար մասնագետները որոշել են նրան էվթանազիա անել։

Տատիկը Սան Դիեգո է ժամանել Բրոնքսի կենդանաբանական այգուց 1920-ականների վերջին։ Իր կյանքի ընթացքում տատիկը վերապրել է 20-րդ դարի կարևոր իրադարձությունները, այդ թվում՝ երկու համաշխարհային պատերազմները և ԱՄՆ-ի 20 նախագահներին։ Կենդանաբանական այգու աշխատակիցները կատակով նրան անվանում էին «թագուհի», իսկ այցելուները նրան հիշում են որպես բարեկամական և հանգիստ արարած, որը ուտում էր հազարի տերևներ և կակտուսի պտուղներ։ Հալապագոսյան կրիաները կարող են ապրել մինչև 100 տարի վայրի բնության մեջ, իսկ գերության մեջ՝ գրեթե կրկնակի։ Դրանցից ամենահայտնին՝ Հարիեթը, մոտ 175 տարի ապրել է Ավստրալիայի կենդանաբանական այգում։