Կատուները փրկել են ընտանիքի անդամներին սողանքի զոհ դառնալուց

3178

Հինգշաբթի, 24 հոկտեմբերի, 2019 թ., 01:20

Իտալիայի Գենուի բնակավայրում ընտանի կատուները փրկել են ամուսիններին սողանքի զոհ դառնալուց, գրում են տեղական թերթերը:

Կատուների տերը պատմել է, որ իրենց երկու կատուներն արթնացրել են իր կնոջը: Կինը նկատել է, որ կատուները խաղում են առաստաղից նոր թափված ծեփի կտորի հետ:

«Դրա շնորհիվ էլ մենք փրկվել ենք»,- ասել է տղամարդը:

Հասկանալով, որ ինչ-որ բան այն չէ, ամուսինները շտապ լքել են տունը, որը նրանց ետևից փլվել է:

Սողանքին զոհ է գնացել 2 մարդ:

Կենտրոն