Այգեվանցիները խոստացված փոխհատուցումն են պահանջում
![]() Արմավիրի մարզի Այգեվան գյուղի բնակչներն այսօր՝ հոկտեմբերի 11-ին բողոքի ակցիա են իրականացրել: Նրանք պահանջում են, որ փոխհատուցվեն իրենց՝ այս տարվա հունիսի 24-ի կարկտահարությունից կրած վնասները: Գյուղացիներից մեկն ասաց, որ հանդիպել են նաև մարզպետ Հ.Մաթևոսյանի հետ, որն ասել է, թե ինքը վնասի չափերը ներկայացրել է կառավարություն: Սակայն գյուղացիների պնդմամբ՝ փոխհատուցման տրամադրումը ձգձգվում է: Անգամ որոշակիացված չէ, թե այդ փոխհատուցումն ի՞նչ ձևով է լինելու՝ դրամական տեսքո՞վ, թե՞ ոռոգման ջրի վարձավճարի զիջմամբ: Մինչդեռ փոխհատուցում տալու խոստումներ իրենց տվել են: Գյուղացիներից մեկն ասաց, որ 1 հա ծիրանի այգու 25-30 տոկոսը վնասվել է, կարկտահարված ծիրանն էլ կամ չի իրացրել, կամ իրացրել է մեկ կիլոգրամը 40 դրամով, այն դեպքում, երբ շուկայական գինը 400-500 դրամ է եղել: «Եթե պետության վրա էլ պետք է հույս չդնենք, ասեք՝ այս երկրում չպետք է ապրենք», «8 տոննա ծիրանից 8 կգ չեմ քաղել»: Նրանք հաշվարկել են, որ իրենց կրած վնասը 6-7 միլիոն դրամ է: Այգեվանցիները դժգոհեցին, որ հարակից գյուղերը հակակարկտային կայաններ ունեն, իրենք՝ ոչ: Այդ հարցով դիմել են մարզպետարան և ստացել պատասխան, որ դա ժամանակի ու ֆինանսների հարց է, միևնույն ժամանակ կա օդանավակայանի՝ խոչընդոտող հանգամանքը: Գյուղացիների միակ հույսն այժմ կառավարությունն է: |

Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
370Երեկ, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
39315.11.2026, 19:19
Խաղողագործներին փող չեն տալիս․ «Հրապարակ»
18814.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
54013.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
17012.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43610.11.2026, 19:37
