5 փիղ է զոհվել՝ փորձելով ձագին հանել ջրվեժից

Թայլանդի Հաո Յայ ազգային պարկում 5 չափահաս փիղ է զոհվել՝ փորձելով ձագին հանել ջրվեժից: Ողբերգությունը տեղի է ունեցել հոկտեմբերի 5-ին՝ վաղ առավոտյան: Պարկի աշխատակիցները լսել են փղերի ձայնը և մոտ վազել ու ջրի մեջ տեսել արդեն սատկած մոտ 3 տարեկան ձագին ու նրան հանել փորձող 2 մեծ փղերին: Վերջիններն արդեն հյուծված են եղել: Քիչ հեռու նրանք տեսել են արդեն իսկ խեղդված 5 մեծ փղի:

Հյուծված փղերին հաջողվել է փրկել պարանների միջոցով:

Հատկանշական է, որ նմանատիպ ողբերգություն այս նույն վայրում գրանցվել է 1992 թվականին: Այդ ժամանակ զոհվել է 8 փիղ: