Երևան`   +10 °C
Այսօր`   Չորեքշաբթի, 18 նոյեմբերի, 2026 թ.

Georgian Airways-ը 25 մլն դոլարի վնաս է կրել

351
Հինգշաբթի, 01 օգոստոսի, 2019 թ., 20:10
Georgian Airways-ը 25 մլն դոլարի վնաս է կրել

Ռուսաստանից դեպի Վրաստան չվերթների արգելքից հետո վրացական ազգային փոխադրող Georgian Airways ընկերությունը 25 մլն դոլարի չափով վնաս է կրել։ Այս մասին հաղորդում են ընկերությունից, փոխանցում է aliq.ge-ն:

Ընկերությունը ֆինանսական օգնության խնդրանքով դիմել է Վրաստանի կառավարությանը, որը հայտարարել է՝ մասնակիորեն կփոխհատուցի ավիափոխադրողի վնասը:

Վրաստանում ռուսական պատվիրակության այցից հետո սկսված հակառուսական ակցիաների արդյունքում Ռուսաստանը հուլիսի 8-ից արգելել է դեպի Վրաստան ավիափոխադրումները։

Վրաստանի իշխանությունները կարծում են ռուս զբոսաշրջիկների հոսքի կտրուկ կրճատման պատճառով վնասը կկազմի 750 մլն դոլար։
Հիշեցնենք՝ վրացական հիմնական ավիափոխադրողը վերջին շրջանում Թբիլիսի-Մոսկվա չվերթի այլընտրանք է գտել՝ Թբիլիսի-Երևան-Մոսկվա ուղղությունը: