«Հարկային փոփոխությունները դրական են, սակայն տնտեսական թռիչք չեն ապահովելու». Սերգեյ Բագրատյան
![]() «Հարկային փոփոխությունները դրական են, սակայն տնտեսական թռիչք չեն ապահովելու». հունիսի 29-ին լրագրողների հետ հանդիպմանը նման գնահատական հնչեցրեց ԱԺ ԲՀԿ խմբակցության պատգամավոր Սերգեյ Բագրատյանը: Նա, դրական գնահատելով մինչև 24 միլիոն դրամ շրջանառություն ունեցողներին հարկերից ազատելու փաստը, միևնույն ժամանակ նկատեց, որ ԲՀԿ-ն անհամաձայնություն է հայտնել այն առումով, որ այդ փոփոխությունը վերաբերում է մարզերին: Երևանում ընտանեկան բիզնես ունեցողը, որը տարեկան մինչև 24 միլիոն դրամի շեմ ունի, հարկվելու է, ինչը անհավասարություն է ստեղծում: «Ինչո՞ւ, օրինակ, Երևանի վարչական տարածքում գտնվող Արգավանդում 24 միլիոնը պիտի հարկվի, և ընդամենը 100մ հեռու գտնվող հաջորդ խանութում չհարկվի»,- նշեց պատգամավորը՝ պնդելով, որ դա մրցակցային անհավասար դաշտ կստեղծի: Սերգեյ Բագրատյանը հարկային փոփոխությունները դրական համարեց, սակայն մի վերապահում հայտնեց՝ դրանք տնտեսական թռիչք չեն ապահովելու: Պատգամավորը համարձակ քայլ որակեց նվազագույն աշխատավարձը բարձրացնելու օրենսդրական նախաձեռնությունը: Տնտեսագետ պատգավորը նշեց, որ եկամտահարկի համահարթ տարբերակը լավագույնը չէ, ամենից ընդունվածը պրոգրեսիվ տարբերակն է: Միևնույն ժամանակ նշեց, որ համահարթեցումը հնարավորություն է տալու, որ ստվերից դուրս գան թաքնված աշխատատեղերը, և գործատուն «սպիտակ» աշխատավարձ վճարի: «Վաղ թե ուշ պետք է վերադառնալ պրոգրեսիվ հարկահանությանը»,- ընդծեց նա: Սերգեյ Բագրատյանը հայտնեց նաև, որ գործարարներից բողոքներ է ստացել, ըստ որի պետական կառույցներն անհարկի միջամտում են բիզնեսին, վարչարարության անհարկի ձգձգումներ են կատարում, քաղաքացիների հեռախոսազանգերին չեն պատասխանում: Բանախոսը հույս հայտնեց, որ հայկական կողմի բանակցությունները ՌԴ և Վրաստանի հետ կհանգեցնեն, որ ռուս-վրացական լարված հարաբերությունների հետևանքով Վերսին Լարսին վտանգ չի սպառնա, և դեպի ՀՀ փոխադրումները չեն տուժի: |

Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
370Երեկ, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
39315.11.2026, 19:19
Խաղողագործներին փող չեն տալիս․ «Հրապարակ»
18814.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
54013.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
17012.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43610.11.2026, 19:37
