Երևան`   +10 °C
Այսօր`   Չորեքշաբթի, 18 նոյեմբերի, 2026 թ.

«Առաջին 4 ամիսներին տնտեսության լավատեսական դինամիկա է արձանագրվել». Նիկոլ Փաշինյան

197
Հինգշաբթի, 30 մայիսի, 2019 թ., 11:45
«Առաջին 4 ամիսներին տնտեսության լավատեսական դինամիկա է արձանագրվել». Նիկոլ Փաշինյան

«Այս տարվա առաջին 4 ամսվա տվյալներով ՀՀ-ում տնտեսության լավատեսական դինամիկա է արձանագրվել. միայն ապրիլին տնտեսական ցուցանիշը 9,2 տոկոս է: Եթե սա համադրում ենք առաջին եռամսյակի տվյալներին, ըստ որի արձանագրվել է ՀՆԱ-ի 7,1 տոկոս աճ, դա մեզ հիմք է տալիս ասելու, որ տնտեսությունը ունի լավ տրամադրություն և մեր խնդիրն է հասցեական, ճշգրիտ կապիտալ ծախսերի միջոցով խթանել այդ լավ տրամադրությունը և կարողանալ ավելի լավ ցուցանիշների հասնել»,- Կառավարության այսօրվա նիստի մեկնարկին ասաց ՀՀ վարչապետ Նիկոլ Փաշինյանը: Նա նշեց, որ ամենաուրախալին արտահանման ծավալների աճն է: «Մեկ ամիս առաջ արտահանման հետ կապված որոշակի մտահոգիչ միտումներ կային, մանրամասն քննարկեցինք և ես ուրախ եմ, որ 9,9 տոկոսի աճ ենք արձանագրել»,- ասաց վարչապետը:

Նա նկատեց, որ այս ամենի ֆոնին շինարարության ոլորտում աճն ավելի քիչ է, սակայն համոզմունք հայտնեց, որ այդ ցուցանիշները ևս աճ կգրանցեն: