Երիցուկով դիմակ բորբոքված մաշկի համար

Երիցուկի թուրմը հայտնի է որպես հակաբորբոքային, վարակազերծող միջոց, օգտագործվում է լուծի դեպքում, կոկորդի և լնդերի բորբոքումների, բերանաբորբի ժամանակ:
Ըստ կոսմետոլոգների՝ երիցուկի սառեցված թուրմը արդյունավետ հակաբորբոքային է նաև դեմքի մաշկի համար: Այն ունի սնուցող, յուղոտ մաշկի դեմ պայքարող հատկություն:
Հարկավոր է 3 թեյի գդալ երիցուկը լցնել 200 մլ. եռացված ջրի մեջ, փակել տարայի բերանը, թողել թրմվի: 5 րոպե թրմելուց հետո լցնել խորանարդիկներով տարայի մեջ ու դնել սառնարանը: Յուրաքանչյուր առավոտյան սառույցի կտորներով լվանալ դեմքը: