Լաբրադորը ծնել է կանաչ ձագի

Կենդանական աշխարհում արտասովոր այս դեպքը տեղի է ունեցել 2017 թվականին: Մանչեսթերում ապրող ամուսիններ Էլեյն Քուփերն ու Չորլին անակնկալի են եկել, երբ նրանց 2 տարեկան լաբրադորը լույս աշխարհ է բերել կանաչ ձագի: Կանաչ ձագից բացի շունը ծնել է նաև 4 ոսկեգույն շնիկներ:

Կանաչ լակոտին տերերը տվել են Ֆիֆ անունը՝ «Շռեկ» մուլտֆիլմից հայտնի հերոսուհու՝ Ֆիոնայի անունից:

Ըստ մասնագետների՝ ձագի կանաչ գույնը պայմանավորված է ընկերքի մեջ առկա բիլիվերդինի բարձր քանակով:

Կենդանու առողջության վրա դա ոչ մի ազդեցություն չի ունենում, ավելին, ձագի ծնվելուց օրեր անց նրա վառ կանաչ գույնն սկսել է բացանալ և շաբաթներ անց այն իսպառ անհետացել է:

Կանաչ շնիկը դարձել է բաց ոսկեգույն: