Երևան`   +8 °C
Այսօր`   Շաբաթ, 20 ապրիլի, 2019 թ.

«Մի մսխեք վարչապետի վարկանիշը, նա դա վաստակել է». Էռնեստ Ղազարյան

298
Շաբաթ, 23 մարտի, 2019 թ., 20:35
«Մի մսխեք վարչապետի վարկանիշը, նա դա վաստակել է». Էռնեստ Ղազարյան

Անարդար է, երբ հաջողությունը համարում ենք բոլորինս, իսկ անհաջողության դեպքում՝ մեղադրում մեկին:

Հեղափոխությունից անցել է գրեթե մեկ տարի, բայց տնտեսական «ծանրաքարշ գնացքը» տեղից չի շարժվում, որի պատճառները և օբյեկտիվ են և սուբյեկտիվ:

Եթե օբյեկտիվի համար ոչ ոքի չենք կարող մեղադրել, ապա սուբյեկտիվ պատճառները կարող ենք բաժանել երեք խմբի, ընդ որում, բոլորն էլ հաղթահարելի են՝

1. Հասարակության և նոր իշխանության մի շարք ներկայացուցիչներ դեռևս չեն կարողանում ազատվել անցյալի կապանքներից: Եթե մենք անընդհատ համադրվում և մխիթարվում ենք անցյալի արատավոր երևույթների ներկա բացակայությամբ, ապա ասեմ, որ ժամանակն է առաջ նայելու:

Կարիք չկա անընդհատ կրկնել, որ կոռուպցիա հիմա չկա: Միայն դրանով տնտեսական հրաշք չես անի, աշխատել է հարկավոր:

Անցյալը կարոտով հիշում են պղտոր ջրում ձուկ բռնողները, բայց իրենց հիասթափեցնեմ. այս սերունդը այլևս չի հանդուրժի ավազակապետությունը:

2. Տնտեսական բլոկի պաշտոնյաները չեն փայլում իրենց մոտիվացիայով արմատական փոփոխություններ կատարելու հարցում:

Թշվառությունը, գործազրկությունը, սոցիալական անարդարությունը և մյուս խնդիրները հաղթահարելու համար պետք է լինել հայրենասեր, հետևողական ու մի քիչ էլ՝ հանճարեղ:

Եթե դուք չեք բավարարում այս պահանջներին, ապա եղեք ազնիվ, իջեք նավից: Մի մսխեք Վարչապետի վարկանիշը, նա դա վաստակել է:

3. Տնտեսությունը կշարժվի, երբ մարդիկ սեփական շահերից բացի երբեմն նկատեն նաև այլոց խնդիրները: Նախորդ տարվա միասնականությունը անհրաժեշտ է նաև հիմա, նաև՝ վաղը, տնտեսական հրաշքի ճանապարհին:

Ու այս ամենը գրում է մի մարդ, ով շատ դժգոհ է ներկա տնտեսական իրավիճակից…

«Բարեկեցիկ Հայեր» նախաձեռնության ղեկավար Էռնեստ Ղազարյան