Փոքրիկը քիչ է մնացել մահանա ադիբուդիի պատճառով. բժիշկներն զգուշացնում են
Կոլորադոյի բնակչուհի Նիկոլ Գոդարդը քիչ է մնացել կորցնի մանկահասակ երեխային ադիբուդիի պատճառով: Նրա որդին ֆիլմ դիտելիս ադիբուդի է ուզել, քիչ անց նա սկսել է հազալ ու խեղդվել: Շուտով հազն անցել է, մայրը մտածել է, որ ադիբուդու հատիկը մնացել էր կոկորդում և վտանգն այժմ անցած է, հատկապես որ երեխան իրեն սովորականի պես է պահել: Սակայն հաջորդ օրը փոքրիկն սկսել է հազալ, մայրը մտածել է, թե դա հարբուխի հետևանք է: Եվս մեկ օր անց երեխայի ջերմությունն այնքան է բարձացել, որ նրան տարել են հիվանդանոց: Ռենտգենը պարզել է, որ նրա թոքերում օտար մարմին կա՝ եգիպտացորենի հատիկ: Երեխան ընդհանուր անզգայացմամբ 2 վիրահատություն է տարել և նրա կյանքին այժմ վտանգ չի սպառնում: Սակայն նրա մայրը և բժիշկները ցանկանում են այս մասին տեղեկացնել ու զգուշացնել բոլոր ծնողներին: Մինչև 5 տարեկան երեխաներին չի կարելի տալ ադիբուդի, կամ այլ փշրվող ուտելիք, որը կարող է հայտնվել երեխաների թոքերում: Մեծահասակների կոկորդում կա հատուկ աճառ՝ մակկոկորդ, որը կուլ տալու ժամանակ փակում է նրա շնչափողը՝ կանխելով օդի հետ հեղուկի, սննդի կտորների ու այլնի ընկնելը շնչափող: Այնինչ մինչև 5 տարեկան երեխաների մոտ մակկոկորդը դեռ ձևավորված չէ: Փոքրիկ երեխաներին խորհուրդ չի տրվում տալ ծծովի կոնֆետներ, գետնանուշ, ընկուզեղեն, հատիկներ, ամբողջական խաղող, հում գազար, խնձորի կտորներ, ադիբուդի, զեֆիր, ծամոն և այլն: Սրանց թվում են նաև՝ մանր կտորներով խաղալիքները: Դրանք կարող են շնչահեղձության, անգամ՝ մահվան պատճառ դառնալ:
|
Կորոնավիրուսի ժամանակ Առողջապահության նախարարությունից հափշտակվել է ավելի քան 263 միլիոն դրամ
128Երեկ, 19:18Հիվանդանոցներում պետպատվերով բուժումները կասեցվել են. «Ժողովուրդ»
13219.04.2024, 08:30«Հնարավոր չէ պարզել՝ այդ մարդու կիստա՞ն է, թե՞ քսերոքս արած «տիպային» կիստա»․ Փաշինյան (տեսանյութ)
34118.04.2024, 12:24Հերթն Անահիտ Ավանեսյանինն է. «Ժողովուրդ»
37418.04.2024, 09:06Մանրամասներ՝ երրորդ հարկից ընկած երեխայի առողջական վիճակից
58917.04.2024, 21:48Առողջապահության նախարարության շուրջ սկսված գործողությունների ֆոնին՝ Թորոսյանը նախարարի պաշտոնի համար ընկերոջ PR-ով է սկսել զբաղվել. «Ժողովուրդ»
64317.04.2024, 09:06