Ծննդկանը ծննդաբերել է հիվանդանոցի հատակին՝ միայնակ

Խաբարովսկում ծննդկանը ծննդաբերել է հիվանդանոցի հատակին՝ առանց բժիշկների օգնության, քանի որ նրանք դրա համար ժամանակ չեն գտել: Այս մասին հայտնում է Mash-ը:

Միջադեպը տեղի է ունեցել փետրվարի 6-ին: Տեղացի կնոջը առավոտյան ժամը 7-ին տարել են հիվանդանոց, երբ նրա կծկանքներն արդեն սկսված են եղել: Բժիշկների զննումից հետո նրան տարել են նախածննդաբերական բաժին, որտեղ նա մնացել է մի քանի ժամ: Այդ ընթացքում միայն մի քանի անգամ է նրան այցելել մանկաբարձն ու ասել, որ սպասի մինչև ժամը երկուսը:

Վերջիվերջո, կինը ծննդաբերել է միայնակ՝ ցավից երեխայի հետ ընկնելով հատակին: Նորածնի ձայնի վրա վազելով եկել է մանկաբարձը ու կնոջը պատվիրել՝ ինքնուրույն հասնել ծնարան:

Կինն արդեն հայտարարություն է տվել ոստիկանություն, այսօր հարուցվել է քրեական գործ: Պարզվել է, որ կնոջ միայնակ տառապանքները կողքի սենյակից լսել է բժիշկը, սակայն չի մոտեցել, քանի որ զբաղված է եղել վիրահատությամբ: