Թրամփը պարսկերենով քննադատել է Իրանի իշխանություններին

ԱՄՆ նախագահ Դոնալդ Թրամփը Twitter-ի իր էջում պարսկերենով գրառում է կատարել՝ քննադատելով Իրանի իշխանություններին «40-ամյա ձախողման համար»:

«40 տարվա կառուպցիա, 40 տարվա բռնաճնշումներ, 40 տարվա ահաբեկչություն: Իրանական ռեժիմը միայն 40 տարվա ձախողում է ստեղծել»,- գրել է Թրամփը՝ հավելելով, որ երկար տառապանքների միջով անցած իրանցիներն ավելի պայծառ ապագայի են արժանի:

Ավելի վաղ Իրանի նախագահն ուղերձ էր հղել Իսլամական հեղափոխության 40-ամյակի կապակցությամբ, որում, մասնավորապես, ասել էր.

«ԱՄՆ-ն և Իսրայելը մեր դեմ դավեր են նյութում և ճնշումներ գործադրում՝ պատժամիջոցներ կիրառելով: Սակայն նրանք չեն հասնի իրենց նպատակին, Իրանը կշարունակի գնալ այն ուղով, որն ընտրել է 40 տարի առաջ»: