«Իշխանափոխություն կարելի է անել ներգաղթյալների միջոցով». Սաակաշվիլի
Վրաստանի նախկին նախագահ և Օդեսայի նախկին նահանգապետ Միխայիլ Սաակաշվիլին հայտարարել է, որ չի կարող կողքից նայել իր երկրի ոչնչացմանն ու պատրաստ է իշխանափոխություն անել ներգաղթյալների միջոցով: Այս մասին նա հայտարարել է Բելգիայի Լյոժ քաղաքում վրացի ներգաղթյալների հետ հանդիպման ժամանակ: «Այսօր Վրաստանում հարմար իրավիճակ չէ իմ վերադարձի համար: Մոտակա շաբաթներին և ամիսներին պետք է նախապատրաստվենք դրան, քանի որ չենք կարող կողքից նայել մեր երկրի ոչնչացմանը»,- Սաակաշվիլիի խոսքը մեջբերում է «Интерфакс»-ը: Նրա խոսքով՝ Վրաստանում կարելի է իշխանափոխություն անել ներգաղթյալների միջոցով: Նախկին նախագահը առաջարկել է նաև ֆինանսական ինստիտուտ, երկրի վերածննդի համար բանկ հիմնել, որի գլխավոր բաժնետերերը կլինեն ներգաղթյալները: Սաակաշվիլիի խոսքով՝ ներգաղթյալները տարեկան մինչև 2,5 միլիարդ դոլար են ուղարկում իրենց ընտանիքներին, ինչը նշանակում է, որ նրանք են ձևավորում երկրի բյուջեն: Ավելի վաղ Սաակաշվիլին սպառնացել էր իշխանափոխություն անել 72 ժամում: 2018-ի նոյեմբերին Սաակաշվիլին Վրաստանի բնակիչներին կոչ էր արել չճանաչել նախագահական ընտրությունների արդյունքները՝ դրանք ոչ լեգիտիմ անվանելով: Սաակաշվիլին իշխանության էր անցել 2004-ի ընդդիմության ցույցերի արդյունքում, որից հետո՝ 2007-ին, ինքնակամ հեռանալու որոշում էր կայացրել, 2008-ին կրկին ընտրվել է երկրի ղեկավարի պաշտոնում, սակայն 2013-ին լքել է Վրաստանը՝ չսպասելով պաշտոնավարման ավարտին և հայտարարելով, որ իր կուսակցությունն ընդդիմություն է դառնում: |
««Իձի վ ժոպու»-ով եք խոսում, ապա մտահոգվում ատելության խոսքից»․ Լիլիթ Գալստյան (տեսանյութ)
2312:30Կոնգրեսականները կոչ են արել 200 մլն դոլար հատկացնել արցախցիներին և օգնել ՀՀ-ին՝ պաշտպանվելու Ադրբեջանի ագրեսիայից
6011:54Կառավարության նիստը՝ ուղիղ միացմամբ (տեսանյութ)
5011:00«Երբ կիրանցեցիներին անվանեց «սիրելի քույրեր և եղբայրներ», հասկացա, որ վատ բան է սպասվում»․ Գեղամ Նազարյան (տեսանյութ)
4910:54ԱԺ նիստը՝ ուղիղ միացմամբ (տեսանյութ)
5710:00«Բայդենի թուլությունն աշխարհը մոտեցրել է միջուկային պատերազմի շեմին»․ Թրամփ
14809:36