Երևան`   +3 °C
Այսօր`   Երկուշաբթի, 10 դեկտեմբերի, 2018 թ.

«Թուրքիան կգնի Patriot համակարգերը, եթե լավ առաջարկ ստանա ԱՄՆ-ից». Էրդողանի ներկայացուցիչ

3700
Հինգշաբթի, 22 նոյեմբերի, 2018 թ., 17:00
«Թուրքիան կգնի Patriot համակարգերը, եթե լավ առաջարկ ստանա ԱՄՆ-ից». Էրդողանի ներկայացուցիչ

Թուրքիան պատրաստ է գնել ամերիկյան Patriot համակարգերը, եթե լավ առաջարկ ստանա ամերիկյան կողմից: Այս մասին, ТАСС-ի փոխանցմամբ, ռուս-թուրքական հարաբերություններին նվիրված համաժողովի ժամանակ ասել է Թուրքիայի նախագահ Ռեջեփ Էրդողանի պաշտոնական ներկայացուցիչ Իբրահիմ Քալընը:

«Հաջորդ տարի կիրականացվեն ռուսական С-400-ների առաջին խմբաքանակի մատակարարումները, ապա մենք կսկսենք դրանց համատեղ արտադրությունը: Սակայն Թուրքիան չի հիմնվում մեկ առաջարկի վրա: Եթե Patriot-ների հարցով համաձայնության հասնենք ԱՄՆ-ի հետ, լավ առաջարկ ստանանք, ապա կընդունենք այդ առաջարկը»,- ասել է նա:
Քալընի խոսքով՝ Թուրքիան «գնում է այդ համակարգերն ինքնապաշտպանության համար և մտադիր չէ հարձակում գործել»:

С-400-ների շուրջ Ռուսաստանի և Թուրքիայի բանակցությունների մասին հայտնի էր դարձել 2016թ. նոյեմբերին: