Երևան`   +11 °C
Այսօր`   Երեքշաբթի, 17 նոյեմբերի, 2026 թ.

Սոչիում մեկնարկել է «Սպիտակ Նավակ» շախմատի միջազգային մրցաշարը

549
Երկուշաբթի, 04 հունիսի, 2018 թ., 14:05
Սոչիում մեկնարկել է «Սպիտակ Նավակ» շախմատի միջազգային մրցաշարը

Ռուսաստանի Սոչի քաղաքում մեկնարկել է «Սպիտակ Նավակ» մրցաշարը, որին մասնակցում են հանրակրթական դպրոցների թիմերը: Այս տարի մրցաշարին մասնակցում է 100 թիմ, որոնցից 79 ներկայացնում են Ռուսաստանի մարզերը: Մրցաշարին մասնակցում են դրոցական թիմեր Հայաստանից, Անգլիայից, Բելառուսից, Գերմանիայից, Հունաստանից, Իսրայելից, Հնդկաստանից, Ղազախստանից, Կենիայից, Ղրղզստանից, Լատվիայից, Մոլդովայից, Ռումինիայից, Սերբիայից, Սլովակիայից, Թուրքմենստանից, Ֆրանսիայից, Չեխիայից, Շվեդիայից և Էստոնիայից:
Մրցաշարում Հայաստանը ներկայացնում է ՀՀ դպրոցականների շախմատի 12-րդ օլիմպիադայի հաղթող թիմը՝ Վաղարշապատի N 12 դպրոցը: Թիմի կազմում հանդես են գալիս Գոռ Սարգսյանը, Հայկ Գրիգորյանը, Արտյոմ Հովհաննիսյանը և Աստղիկ Հակոբյանը:
Հանգստյան օրերին կայացան մրցաշարի առաջին և երկրորդ տուրերի հանդիպումները:
Առաջին տուրում մեր թիմը 4-0 հաշվով հաղթանակ տոնեց Կիրովի մարզի թիմի նկատմամբ, իսկ երկրորդ տուրում պարտվեց Մոլդովայի թիմին:
Այսօր տեղի կունենան մրցաշարի 3-րդ և 4-րդ տուրերի պարտիաները: