Երևան`   +12 °C
Այսօր`   Երեքշաբթի, 17 նոյեմբերի, 2026 թ.

Բասկետբոլիստուհի Ինգա Մանուչարյանը կարիերան կշարունակի Լատվիայում

350
Ուրբաթ, 30 մարտի, 2018 թ., 12:25
Բասկետբոլիստուհի Ինգա Մանուչարյանը կարիերան կշարունակի Լատվիայում

Կանանց մինչև 18 տարեկանների Հայաստանի հավաքականի առաջատար խաղացող Ինգա Մանուչարյանը հանդես է գալիս և «Պապիրս» ակումբի կանանց թիմում, և մինչև 20 տարեկանների թիմում:

Լիեպայայի «Պապիրս» ակումբը 2017 թվականին դարձել է Լատվիայի առաջնության արծաթե մեդալակիր:

Փետրվար ամսին Լիեպայայի «Պապիրս» ակումբը մասնակցել է Եվրոգավաթին, որտեղ մասնակցել են եվրոպական 16 ակումբ: Ցավոք «Պապիրս» ակումբը դուրս է մնացել հետագա պայքարից 1/4 եզրափակչում:

Իսկ ահա Լատվիա-Էստոնիա կանանց բասկետբոլի լիգայի 2017-2018թթ. առաջնությունում «Պապիրս» ակումբը զբաղեցրել է 2-րդ հորիզոնականը: Առաջնության հաղթող է ճանաչվել Ռիգայի «ՏՏՏ» թիմը, իսկ 3-րդ հորիզոնականում եղել է Ռիգայի «ՌՍՈՒ» ակումբը:

Հիշեցնենք, որ կանանց Եվրոպայի մինչև 18 տարեկանների C դիվիզիոնի առաջնությունում Հայաստանի կազմում ամենաշատ միավորներ վաստակել էր Ինգա Մանուչարյանը:
Միջինը մեկ խաղում Ինգան վաստակել էր 24 միավոր, ինչը ռեկորդային ցուցանիշ էր նրա համար։

2017 թվականին Ինգա Մանուչարյանին շնորհվել է միջազգային կարգի սպորտի վարպետի կոչում: