«Քանի կան մեքենաներ, ավտովթարներ լինելու են»․ Նիկոլ Փաշինյան

Ըստ պետական վիճակագրության այս տարվա 8 ամսիների ընթացքում ՃՏՊ-ի հետևանքով զոհվել է 172 մարդ։ Ի՞նչ է անում կառավարությունը, որ ճանապարհներին վթարներ տեղի չունենան և մարդիկ չմահանան։ Այսօր ճեպազրույցում այս հարցին ի պատասխան՝ վարչապետ Նիկոլ Փաշինյանն ընդգծեց․ «Իհարկե շատ ցավալի է, որ այդ դեպքերը տեղի են ունենում։ Եվ պետք է արձանագրել, որ քանի կան մեքենաներ, ավտովթարներ լինելու են․․․ Դիտարկումը տեղին է և դրա համար մենք ունենք աշխատանքային խումբ՝ երթևեկության անվտանգությունը բարձրացնելու նպատակադրմամբ, նաև ինստիտուցիոնալ կառույցներ ունենք, որոնք այդ ուղղությամբ աշխատում են․․․»։