«Մի՛ խեղաթյուրեք իմ ասածը», «մի՛ ընդհատեք ինձ»․ վեճ՝ Ռուբեն Ռուբինյանի և Աննա Գրիգորյանի միջև

«Փաստորեն Ռուբեն Ռուբինյանն ընդունեց, որ նոյեմբերի 9-ով միջանցք է տրվել Ադրբեջանին, և ուզում եմ հստակեցնել, որ ստորագրողը ոչ ես եմ եղել, ոչ որևէ մեկ այլ անձ․․․»,- ԱԺ-ում, ԹՐԻՓՓ նախագծի քննարկման ժամանակ, «Հայաստան» խմբակցության ղեկավար Աննա Գրիգորյանի խոսքը զայրացրեց ԱԺ նախագահ Ռուբեն Ռուբինյանին։
«Ինձ սխալ հղումներ մի արեք, ես այդպիսի բան չեմ ասել, ասել եմ ուղիղ հակառակը։ Մի խեղաթյուրեք իմ ասածը»,- պատգամավորին ընդհատեց Ռուբինյանը։
«Մի ընդհատեք ինձ ընդհանրապես, դուք ասացիք այն, ինչ ասացիք, ես հիմա փորձում եմ հակադարձել ձեզ։ Մի ընդհատեք ինձ. մանկապարտեզ ա»,- ի պատասխան ասաց ընդդիմադիր գործիչը։