«Ինչո՞ւ ոստիկանությունն Անի Ավետիսյանից ուշ հասավ Շաքի». հարց՝ Արփինե Սարգսյանին

«Արդյո՞ք Շաքիի դեպքը համակարգի ձախողման հետևանք չէր», «ինչո՞ւ ոստիկանությունն Անի Ավետիսյանից ուշ հասավ Շաքի»,- լրագրողները հարցեր ուղղեցին ՆԳ նախարար Արփինե Սարգսյանին։ «Ոստիկանը գտնվել է հանգստի մեջ և այդ ժամանակահատվածում տուժողը զանգել է ոստիկանին, կարճ տեղեկատվություն է ներկայացրել՝ առանց մանրամասնելու, թե ինչ է տեղի ունենում, նաև դժվար լսելի է եղել, թե ինչի մասին է խոսքը։ Չանցած 10 րոպե՝ հասել է դեպքի վայր, արդեն դեպքը տեղի ունեցած է եղել, տուժողի որդին ոստիկանի ներկայությամբ և ուղղորդմամբ զանգել է 112, և 10 րոպեից օպերատիվ խումբն արդեն տեղում է եղել։ Նշեմ նաև, որ ոստիկանը եղել է շատ ավելի հեռավոր տարածության մեջ, քան տուժողները»,- պատասխանել է նախարարը։