«Նախիջևանն արդյո՞ք անկլավ-էքսկլավների խնդրի բաղկացուցիչ մաս կարող է դառնալ ՀՀ իշխանությունների համար». Արման Մելիքյան

Արցախի ԱԳ նախկին նախարար Արման Մելիքյանի ֆեյսբուքյան գրառումը. «Նախիջևանն արդյո՞ք անկլավ-էքսկլավների խնդրի բաղկացուցիչ մաս կարող է դառնալ ՀՀ իշխանությունների համար և պաշտոնական Բաքվի պահանջով դիտարկվի այն Ադրբեջանի հետ միավորելու տարբերակը տարածքների փոխանակման մեխանիզմի գործարկման միջոցով՝ վարչապետ Փաշինյանի առաջարկած սկզբունքների հիման վրա։ Եթե այդ սկզբունքների տրամաբանությունը գործի դրվի, ապա, դրա համար անհաղթահարելի խոչընդոտ, կարծես թե, չի երևում։ Քանի որ ՀՀ իշխանությունները ճանաչել են Ադրբեջանի տարածքային ամբողջականությունը՝ Նախիջևանը ներառյալ, և վերջինս առաջին հերթին հենց Հայաստանի տարածքով է տարանջատվում Ադրբեջանի բուն տարածքից, չի բացառվում, որ հենց այդ հարցը ի վերջո կդառնա անկլավ-էքսկլավների պրոբլեմի անկյունաքարը»։