Խոշոր հրդեհ` Ռոստովի պլաստիկի պահեստում

Ակսայի (Ռոստովի մարզ) «Ակսայկարդանդետալ» ԲԲԸ-ին պատկանող պլաստիկի պահեստում հրդեհ է մոլեգնում, որի մարման աշխատանքներում ներգրավված է ավելի քան 120 մարդ։

«Ակսայկարդանդետալ» ԲԲԸ պահեստում հրդեհը սկսվել է երեքշաբթի կեսօրին։ Սկզբում հրդեհը ընդգրկել է 500 քառակուսի մետր տարածք։ Հրդեհի պատճառով Ակսայի Լենինի պողոտայի մի մասը փակվել է։ Ավելի ուշ հրդեհ է բռնկվել երկրորդ պահեստում, պատը փլուզվել է, և հրդեհը տարածվել է 9000 քառակուսի մետր տարածքի վրա։ Հրդեհը դասակարգվել է՝ որպես երրորդ կատեգորիայի հրդեհ։

Հրդեհաշիջման աշխատանքները խոչընդոտվում են շենքի ներսում պլաստիկի առաջացրած բարձր հրդեհային բեռի պատճառով, իսկ ուժեղ քամիները նպաստում են կրակի և ծխի արագ տարածմանը։ Անձնակազմը տարհանվել է։ Վիրավորների մասին տեղեկություններ չկան։