«Այսօրվա իշխանությունները թիվ մեկ սպառնալիքն են մեր անկախ պետականության համար»․ Լևոն Զուրաբյան

«Հայաստանի այսօրվա իշանությունները համար մեկ սպառնալիքն են մեր անկախ պետականության համար»,- ասուլիսի ժամանակ հայտարարել է ՀԱԿ փոխնախագահ Լևոն Զուրաբյանը։ «Այսօր մեծ շուքով կնշվի Հայաստանի անկախությունը, Հրապարակը փակել են, լուրջ միջոցառումներ են անցկացվելու, բայց այդ ամբողջը ձևայանություն է, որովհետև, եթե մենք գնահատենք մեր պետության իրական անկախությունը, կտեսնենք, որ ոչ ոք այդքան վնաս չի հասցրել մեր անկախությանը, ինչքան ներկա իշխանությունները։ Այդ իրենք են, որ ձախողեցին մեր անկախության գլխավոր նվաճումները՝ կենսունակ պետություն, հաղթանակած պետություն, ազատագրված Արցախ, այս ամենն իրենց վարած քաղաքականության պատճառով ջախջախվեց»,- նշել է Զուրաբյանը։