«Փաշինյանը խնամում է իր պորտաբույծ էլիտային, նստել են բյուջեի վրա, մեջ-մեջ են անում»․ Սուրեն Սուրենյանց

Քաղաքագետ Սուրեն Սուրենյանցը ֆեյսբուքյան էջում հրապարակել է տեսանյութ՝ կից գրառմամբ. «Փաշինյանի հայտարարությունը, թե Ալիևը նույնպես արժանի է խաղաղության մրցանակի, զզվանք է հարուցում, աշխարհին ցույց է տալիս, թե ում վասալն է, բայց նույնիսկ դա չի փոխելու Բաքվի քաղաքականությունը։
Հասել ենք վտանգավոր հանգրվանի եզրագծին, Ալիևի վեզիրը հանձնարարություններ է տալիս, Նիկոլը հեզաբար կատարում է։ Շղթայական կալանավորումներ, ռեպրեսիաների նոր ալիք է սկսվելու, Նիկոլին Բաքվից հանձնարարական է իջեցվել:
Հասարակության աղքատության ֆոնին հակասոցիալական է բարձրաստիճան պաշտոնյաների աշխատավարձերի այդքան բարձրացումը:
Փաշինյանը թքած ունի հասարակության կարիքների վրա, խնամում է իր պորտաբույծ էլիտային, նստել են բյուջեի վրա, մեջ-մեջ են անում։ Աշխատավարձերը բարձրացնելը նրանց կոնսոլիդացնում է իր շուրջը, դարձնում իրեն հենարան»։