«Ի՞նչ մաթեմատիկական հնարքով ձեզ հաջողվեց ԲՀԿ-ի ձայները գողանալ»․ Ագնեսա Խամոյան

«Առավել հետաքրքիր կլիներ, եթե դուք պատմեիք մեզ, թե ինչպես 60 հազար քաղաքացու կամքի վրա խաչ քաշեցիք և այսօր ընդդիմադիր 3-րդ ֆրակցիան այս նիստերի դահլիճում ներկայացված չէ»,- ԱԺ նիստում դիմելով ԿԸՀ նախագահ Վահագն Հովակիմյանին՝ ասել է «Հայաստան» խմբակցության պատգամավոր Ագնեսա Խամոյանը։ «Դուք Վենետիկի հանձնաժողովին եք մեջբերում անում և ասում, որ ընտրությունների արդյունքների ամբողջական կամ մասնակի չեղարկումը պետք է լինի բացառիկ և համաչափ միջոց։ Ինձ հետաքրքիր է՝ ԿԸՀ-ն ինչպես է գնահատել արդյունքների չեղարկման համաչափությունը, երբ դրա հետևանքով փոխվել է խորհրդարանի քաղաքական կազմը, և ընդդիմադիր ուժը զրկվել է մանդատներից։ Ի՞նչ մաթեմատիկական հնարքով ձեզ հաջողվեց գողանալ ԲՀԿ ձայները, ինչպե՞ս ձեզ հաջողվեց 3-րդ ընդդիմադիր ուժին հեռացնել այս նիստերի դահլիճից»,- շարունակեց Խամոյանը։
Վահագն Հովակիմյանն ի պատասխան նշեց, որ ԿԸՀ-ն որևէ մեկի ձայնը չի գողացել, որևէ անօրինական որոշում չի կայացրել, իր իրավական դիրքորոշումը արտահայտել է իր որոշմամբ։