«Այս պահին ունենք «խաղաղության փակուղի»․ Շիրազ Խաչատրյան

«Հենակետ» ՀԿ-ի փորձագետ Շիրազ Խաչատրյանը ֆեյսբուքյան իր էջում գրում է․ «Իշխանության ներկայացուցիչները տարիներ շարունակ, ամենօրյա ռեժիմով, խոսում են «խաղաղությունից», ապաշրջափակումից, բաց ճանապարհներից ու տարածաշրջանային համագործակցությունից, բայց փաստը մնում է փաստ՝ Հայաստանի սահմանները Թուրքիայի ու Ադրբեջանի հետ շարունակում են փակ մնալ...
Պարզ է՝ ինչքան ուզում ես պատրաստակամություն հայտնիր, զիջումների գնա ու բոլորին համոզիր, որ խաղաղություն ես ուզում, դրանից դիմացինի նպատակները չեն փոխվում։ Եթե հակառակորդիդ ռազմավարական հաշվարկները բոլորովին ուրիշ են, քո հորինած «խաչմերուկը» գունազարդած քարտեզից այն կողմ իրականության չի վերածվելու։
Այս պահին «խաղաղության խաչմերուկի» փոխարեն ունենք «խաղաղության փակուղի», իսկ այդ փակուղին շրջանցելու ճանապարհներն էլ մշուշոտ են ու անկանխատեսելի...»։