«Որոշակի ժամերին մետրոյում սարսափելի վիճակ է». Իզաբելլա Աբգարյան

Երևանի ավագանու անդամ Իզաբելլա Աբգարյանը հարց բարձրացրեց Երևանի մետրոպոլիտենի վերաբերյալ: «Այն իր հնարավոր հզորության երևի կեսով է գործում, պատճառը՝ շարժակազմի սակավ լինելն է: Որոշակի ժամերին մետրոյում սարսափելի վիճակ է՝ չեն տեղավորվում մարդիկ, բողոքում են: Ե՞րբ կունենանք շարժակազմ, լիարժեք գործող գնացքներ»,- հարցրեց նա: Փոխքաղաքապետ Սուրեն Գրիգորյանն ասաց, որ մրցույթ է իրականացվել, կառավարությունից ֆինանսավորում ստանալու փուլում են. «Որպեսզի առկա շարժակազմի վերանորոգումը ստացվի ու նոր շարժակազմ ձեռք բերվի: Մետրոպոլիտենի արդիականացումը մեր ծրագրերի կարևոր մասն է»,- նշեց Գրիգորյանը: