«Համոզված եմ՝ կան ցուցակներ, թե ում որ դեպքում և ինչ ձևով պետք է կալանավորել»․ Տիգրան Աբրահամյան

«Այն բոլոր գործերը, որոնք կան այս օրերին ու եղել են նախկինում, ամբողջությամբ իրար հետ փոխկապակցված են։ Ամեն ինչ կապված է Հայաստանում քաղաքական այլախոհության վերացման, քաղաքական ընդդիմախոսների և բոլոր այն անձանց հետ, ովքեր որևէ պարայում կարող են քաղաքական խնդիրներ առաջացնել գործող իշխանության համար»,- լրագրողների հետ զրույցում ասաց ԱԺ նախկին պատգամավոր Տիգրան Աբրահամյանը՝ անդրադառնալով Գագիկ Ծառուկյանի հետ կապված իրադարձություններին։

«Ես համոզված եմ, որ կան ցուցակներ, կան կոնկրետ մարդիկ, նույնիսկ կա պլանավորում, թե ում որ դեպքում և ինչ ձևով պետք է կալանավորել և փորձն քաղաքական խաղերից դուրս բերել»,- հավելեց ընդդիմադիր գործիչը։ «Ակնհատորեն իշխանությունը փորձում է Հայաստանում մարդկանց նկատմամբ հալածանքները դրսում ներկայացնել որպես պրոռուսական գործիչների կամ ուժերի դեմ պայքար, որը նրան հնարավորություն է տալիս արևմուտքից ստանալ աջակցություն, որի հետևանքն է նաև, որ հիմնական միջազգային կառույցները, որոնք խոսում են ժողովրդավարության, մարդու իրավունքների մասին՝ պարզապես աչք են փակում»,- նշեց Աբրահամյանը։