«Իսկ Մոսկվան շահագրգի՞ռ է նպաստել ՀՀ-ի թավշյա ինտեգրմանը դեպի թշնամական եվրոպական լիգա»․ Արեգ Սավգուլյան

Պատմաբան Արեգ Սավգուլյանի ֆեյսբուքյան գրառումը. «Մնո՞ւմ ես, թե՞ գնում ես։
Միայն ՆՓ-ն կարող էր Պուտինի հանրաքվեի առաջարկին ի պատասխան նշել, որ այժմ պատեհ չէ, դուրս գալ ԵԱՏՄ-ից, երբ պահը գա մենք կորոշենք։ Բառացի խնդրեց Վ.Պուտինին, որ օժանդակի Հայաստանին մտնել Եվրամիություն։ Դա հավասարազոր էր, որ հորդորեր ռուսներին ապահովել Հայաստանի անդամակցությունը ՆԱՏՕ-ին։ Իսկ Մոսկվան շահագրգի՞ռ է արդյոք նպաստել Հայաստանի թավշյա և անցնցում ինտեգրմանը դեպի թշնամական եվրոպական լիգա, իհարկե ոչ։
Հայաստանի իսթաբլիշմենթը թաղվել է գերտերությունների տարածաշրջանային մրցավազքի հորձանուտում և փորձում է կախվել թյուրքական փրփուրներից, մինչդեռ մեր երկիրը պետք է հայացքը ուղղի դեպի պաշտոնական Պեկին։
Հ.Գ. Կծառայե՞ս, «կծառայեմ, կծառայեմ»։