«Միակողմանի կախվածությունն Ադրբեջանից և Թուրքիայից կործանարար է»․ Լևոն Զուրաբյան

«Իրանը մեզ համար շարունակում է մնալ կենսական ճանապարհը՝ դեպի արտաքին աշխարհ»,- «Հայաստան-Իրան ռազմավարական կենտրոնի» և ՀԱԿ-ի միջև փոխըմբռնման հուշագրի ստորագրման թեմայով ասուլիսի ժամանակ հայտարարել է ՀԱԿ փոխնախագահ Լևոն Զուրաբյանը։ «Հայաստանին, իհարկե, պետք է հաշտություն և խաղաղություն Ադրբեջանի և Թուրքիայի հետ, բայց պետք է նաև հասկանանք, որ չի կարող այդ խաղաղությունը կառուցված լինել Հայաստանի միակողմանի կախվածության վրա։ Ցավոք, այն բանաձևը, որ մեզ հիմա առաջարկում են, հենց դրա վրա է կառուցված, դա մի համակարգ է, ըստ որի՝ մեր բոլոր ռազմավարական ուղիները պետք է անցնեն Ադրբեջանով»,- նշեց Զուրաբյանը։

«Հայոց պետականության համար միակողմանի կախվածությունը Ադրբեջանից և Թուրքիայից կործանարար է, և այստեղ է, որ շատ կարևոր է Իրանը։ Մենք փոխադարձ իրար պետք ենք»- ընդգծեց նա։