«ԻՀՊԿ-ն հարվածել է Հորդանանում ԱՄՆ-ի բազաներին»․ #Press TV

Իրանի Իսլամական հեղափոխության պահապանների կորպուսը (ԻՀՊԿ) հարվածել է Հորդանանում գտնվող երկու ռազմաբազաներում տեղակայված ամերիկյան ուժերին՝ ի պատասխան ԱՄՆ-ի կողմից Լարաք կղզու վրա իրականացված հարձակման։ Այս մասին հայտնում է Press TV հեռուստաալիքը՝ հղում կատարելով ԻՀՊԿ-ին։

Ավելի վաղ Fars-ը հայտնել էր, որ Հորմուզի նեղուցում գտնվող իրանական Լարաք կղզում մի քանի պայթյուն է տեղի ունեցել։ Axios-ի լրագրող Բարաք Ռավիդը, հղում կատարելով ամերիկացի անանուն պաշտոնյայի, հայտնել էր, որ ԱՄՆ-ն, ենթադրաբար, հարվածել է Լարաքում գտնվող իրանական հրթիռային կայաններին։

Ավելի ուշ Press TV-ն հաղորդել էր, որ Իրանը հրթիռներ է արձակել Հորմուզի նեղուցում գտնվող ամերիկյան նավերի ուղղությամբ, ինչպես նաև Արևմտյան Ասիայում գտնվող ԱՄՆ-ի ռազմաբազաների ուղղությամբ։

ԱՄՆ զինված ուժերի Կենտրոնական հրամանատարությունում (CENTCOM) հայտարարել են, որ Իրանի ուղղությամբ հարվածներ են հասցրել՝ կանխելու համար իրանական ուժերի կողմից Հորմուզի նեղուցի ականապատումը։