«Չի կարելի էսքան չսիրել երեխեքին ու էսքան պաշտել ձևականությունը». Վահրամ Թոքմաջյան

Պատմաբան Վահրամ Թոքմաջյանի ֆեյսբուքյան գրառումը․ «Ցերեկվա ահավոր շոգին անցնում եմ դպրոցների կողքով ու ականատես լինում իսկական չարչարանքի։ Երբ մարդ տնից դուրս չի գալիս, երեխեքին արևի տակ շարել են, որ Սեպտեմբերի 1-ի «տոնական» փորձեր անեն։
Պատկերը կատարյալ է․ ծնողները պատերի տակ մի կտոր հով են ման գալիս, դասղեկի տոնալնիկը դեմքից ծորում է, երեխեքն էլ արևից կկոցած աչքերով՝ «արտասանում» են․ «Մեծար՛գո տնօրեն, հարգել՛ի ուսուցիչներ․․․»։
«Մեծարգո»-ն որ լսում ես, էդ անհեթեթությունից միանգամից գլուխդ ցավում է։
Մի հատ հով սենյակ չունե՞ք ներսում։ Թե՞ շենքը մաքրել, փակել եք, որ հանկարծ երեխան չկեղտոտի։ Չէ՞ որ շենքն իրենց համար չէ, իրենք են շենքի համար։
Չի կարելի էսքան չսիրել երեխեքին ու էսքան պաշտել ձևականությունը»։