«Ուժեղ մարդկանց փայփայում են, որ միջավայրն արդար ու ամուր լինի». Հովհաննես Իշխանյան

Այսօր, 21:24

Հասարակական գործիչ, ռեժիսոր Հովհաննես Իշխանյանը ֆեյսբուքյան իր էջում գրել է․ «Եթե Մել Դալուզյանի հետ չվարվեին այնպես, ինչպես վարվեցին, նա էսօր կխոսեր էն անարդարության դեմ, որը տեղի է ունենում, որովհետև ինքն անկախ էր, անվախ էր ու սկզբունքային այն ժամանակ, քանի որ չէր թաքցնում իր ինքնությունը։
Իսկ ովքեր որ Մել Դալուզյանին զրկեցին աշխատավարձից, հեռացրին սպորտից, պայման ստեղծեցին, որ հեռանա երկրից՝ ինչ է թե ֆորումի էր մասնակցել, արդյո՞ք այսօր ծպտուն հանեցին Գագիկ Ծառուկյանի ու սպիտակ առյուծի հանդեպ անարդարությունների դեմ։
Ուժեղ մարդկանց փայփայում են, որ միջավայրը, որտեղ ապրում ես, արդար ու ամուր լինի, ոչ թե նեղացնում, որ զրկվես ուժից ու համակարգը դառնա լպրծուն, ու ապագայում տիեզերական արդարությունը շուռ գա վրադ»:

Նշենք, որ երեկ համացանցում կադրեր էին տարածվել՝ ինչպես է սեռափոխված Մելինե Դալուզյանը (Մել Դալուզյան) սիրելիի հետ Գյումրիում նշել իրենց ամուսնության 2-ամյակը»:

Աղբյուրը` Հովհաննես Իշխանյան