«Մենք քանդել ենք մարդկանց վզին ձեր կողմից գցած շղթաները». Վահագն Ալեքսանյան

ԱԺ ՔՊ-ական փոխնախագահ Վահագն Ալեքսանյանը ԱԺ նիստում իր ելույթի ժամանակ, դիմելով ընդդիմությանը, մի տեսանյութ միացրեց և մանրամասնեց. «Տեսանյութում տղամարդ է, որի վզից ջինջիլ է գցած, և նրան մի ուրիշ տղամարդ ման է ածում, տանում է ջուր խմելու: Այս տեսանյութը նկարահանվել է 2000 թվականին գեներալ Մանվել Գրիգորյանի պարանքներում: Իր նախկին օգնականը՝ Մեսրոպ Մանուկյանը այստեղից որ պերֆորմանսներ է անում, չեմ կարողանում ինձ զսպել: Այս տեսանյութի մարդը Ղարաբաղյան առաջին պատերազմի ազատամարտիկ Աշոտ Իսախանյանն է: Պարոն Ղազարյան, նախկին հանրապետական եք, ձեր մի ելույթում ասում էիք՝ մենք ուժեղ Հանրապետական ենք. էսա եղել ձեր ուժը Ռոբերտ Քոչրյանի կառավարման տարիներին: Երբ որ մեզ մեղադրում եք ինչ-որ բանի մեջ, հիշեք՝ մենք քանդել ենք մարդկանց վզին ձեր կողմից գցած շղթաները՝ բառի փոխաբերական և ուղիղ իմաստով»: