«Նախկին քաղաքական էլիտայի երեխեքը մեծացել են, եկել պառլամենտ ու հիմա իրար դեմ բաներ են դնում»․ Էդմոն Մարուքյան

Պլատֆորմ փոդքասթի շրջանակներում խոսելով նոր խորհրդարանի մասին՝ ԼՀԿ ղեկավար Էդմոն Մարուքյանն ասել է․ «Ամբողջ աշխարհում խորհրդարանները ներկայացնում են ժողովրդին՝ տարբեր շերտերի, բայց երբ նայում եմ այս խորհրդարանին, տպավորություն եմ ստանում, որ այն ներկայացնում են ներսի մարդիկ՝ իրենք իրենց։ Օրինակ, քննարկում են Կոնջորյան Հայկի կնոջը, Գրիգորյան Աննայի ամուսնուն, Գրիգորյան Աննան քննարկում ա Գարիկի քեռուն, Ռուբեն Ռուբինյանն ասում ա՝ 18 տարեկանս չէր լրացել, հորս տարան բանտ՝ Ռոբերտ Քոչարյանի օրոք, Լևոն Քոչարյանն ասում ա՝ բայց քո հերն էլ փոխխոսնակ էր․․․ Նախկին քաղաքական էլիտայի երեխեքը մեծացել են, եկել պառլամենտ ու հիմա իրար դեմ բաներ են դնում։ Հիմա հաջորդ պառլամենտում իրենց երեխեքը պիտի լինեն ինձ թվում է ու իրենք իրար ինչ-որ բաներ ասեն»։