«ՀՀ իշխանությունները դարձյալ սիլի-բիլի են անում ԵԱՏՄ-ում». Վահե Լոռենց

Պատմաբան, գրող, հրապարակախոս Վահե Լոռենցի ֆեյսբուքյան գրառումը. «Փաստորեն, ՀՀ իշխանությունները դարձյալ սիլի-բիլի են անում ԵԱՏՄ-ում, ասել է թե՝ Պուտինի ասեղն են թելում։ Ստացվում է՝ այն քաղաքական ուժերը, որոնք արևմտամետ կոչերով աջակցեցին ներկա իշխանություններին՝ խաբեցին իրենց ընտրազանգվածին։ Փաստորեն՝ հայությանը խաբեցին նաև այն քաղաքական ուժերը և անհատները, որոնք պառլամենտ չանցնելով՝ ներկա իշխանություններին սատարողի դերում էին։ Փաստորեն՝ իրենց արևմտամետ ձևացնող ուժերը իրականում, Պուտինի ջրաղացին ջուր լցնողներ են։
Բան չունե՞ք ասելու։ Նե՞տ․․․
Ե՞րբ էր, որ ասացի․- Եթե ուզում եք Ռուսաստանի համար լավ լինի՝ ընտրեք ներկա «ընդդիմությանը»։ Եթե ուզում եք Ռուսաստանի համար ավելի լավ լինի՝ ընտրեք Նիկոլին։
Հա, մեծապատիվ և մեծարգո «ընդդիմություն»․ Պուտինը թույլ չի՞ տալիս ձեր գաղափարակից իշխանությունների դեմ իրական պայքար մղեք։ Դրա համա՞ր ձեր խոստացած «փողոցային հուժկու» պայքարը դարձավ պառլամենտական «հուժկու խեղկատակություն»»: