«Ժամանակն է՝ միասին պաշտպանելու համալսարանի ինքնավարությունը»․ Արսեն Թավադյան

ԵՊՀ իրավաբանական գիտությունների դոցենտ Արսեն Թավադյանը ֆեյսբուքյան իր էջում գրել է․ «Պարոն Ղազինյանի աշխատանքային պայմանագրի լուծումը ծայրահեղ խայտառակություն է։ Այստեղ երկար բացատրությունների կարիք անգամ չկա։
Սա նաև թեստ է ԵՊՀ դասախոսների համար․ մինչև ե՞րբ ենք հանդուրժելու, որ նեղ քաղաքական նպատակներով հնարավոր լինի աշխատանքից ազատել ցանկացած դասախոսի՝ անկախ նրա մասնագիտական վաստակից։
Ժամանակն է վերջապես ինքնակազմակերպվելու, միասին պաշտպանելու համալսարանի ինքնավարությունը, ակադեմիական ազատությունն ու դադարեցնելու քաղաքական նեղ շահի ներթափանցումը ԵՊՀ և այլ բուհեր»։