«ՔՊ-ից ասում են, որ պատրաստվում են ձեր խմբակցությանը քաղաքականապես ոչնչացնել»․ լրագրողը՝ Էդգար Ղազարյանին

«ՔՊ-ից ասում են, որ պատրաստվում են ձեր խմբակցությանը քաղաքականապես ոչնչացնել․ ինչպե՞ս եք պատրաստվում աշխատել այդ պայմաններում»,- լրագրողը հարց ուղղեց «Ուժեղ Հայաստան»-ից պատգամավորի մանդատ ստացած Էդգար Ղազարյանին։ «Սամվել Կարապետյանը մի անգամ ճեպազրույցի ժամանակ մի շատ լավ բանաձևում է տվել նման իրավիճակների համար, այն է՝ «շան տեղ մի դրեք»»,- պատասխանեց Ղազարյանը։ Լրագրողի դիտարկմանը, թե նախորդ ԱԺ-ն հուշում է, որ կա նաև ֆիզիկական պայքարի տարբերակը, պատրա՞ստ եք դրան, ընդդիմադիր գործիչը կատակեց․ «Ճիշտն ասած, պատրաստ չեմ։ Իմ սիրած մարզաձևերից մեկը լեռնային դահուկներն են. ԱԺ դահլիճում դրա ֆիզիկական հնարավորությունը չկա, մյուսը՝ վոլեյբոլը, էլի հանրավոր չէ ցանց կապել ու խաղալ, լողավազան էլ չկա․ ուրիշ մարզաձևերի հետ առնչություն չեմ ունեցել և հուսով եմ՝ չեմ ունենալու»։