«Պարզ չէ՝ ինչպես են ՀՀ իշխանություններն իրականացնելու սահմանադրական փոփոխություններ»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը. «Ադրբեջանը պետական մակարդակով շարունակում է ֆինանսական և ամեն կարգի օժանդակություն տրամադրել «Արևմտյան Ադրբեջան վերադարձի» քաղաքականությանը, որը տարածքային պահանջատիրություն է Հայաստանի նկատմամբ:
Մյուս կողմից՝ մեր արևելյան հարևանը պահանջում է, որ Հայաստանը Սահմանադրությունը փոխի և Մայր օրենքից հեռացնի Անկախության Հռչակագրին հղումը:
«Ադրբեջանի համար կարևոր է, որ այն դրույթները, որոնք մենք տարածքային պահանջ ենք համարում մեր երկրի նկատմամբ, պաշտոնապես վերացված լինեն՝ նոր սահմանադրության ընդունման, թե իրավական մեկ այլ մեխանիզմի միջոցով», - Reuters-ի հետ զրույցում նշել է Ադրբեջանի նախագահի արտաքին կապերի գծով օգնական Հիքմեթ Հաջիևը։
Վերջերս նա եկել էր Դիլիջան:
Այցը անմիջապես հաջորդեց Հայաստանի խորհրդարանական ընտրություններին, որի ընթացքում իշխող ուժը չկարողացավ ստանալ սահմանադրական մեծամասնություն:
Առայժմ պարզ չէ, թե ինչպես են Հայաստանի իշխանություններն իրականացնելու սահմանադրական փոփոխություններ:
Պարզ չէ նաև, թե երբ է ստորագրվելու Ադրբեջան-Հայաստան պարտադրված խաղաղությունը»: