«Արդյոք մշակութային ժառանգությունը սահմանափակվում է երկրի պետական սահմաններով». Արթուր Խաչատրյան

«Ստորջրյա մշակութային ժառանգության պաշպանության մասին ՅՈՒՆԵՍԿՕ-ի 2001թ. կոնվենցիան վավերացնելու մասին» ՀՀ օրենքի նախագծի քննարկման ժամանակ ընդդիմադիր պատգամավոր Արթուր Խաչատրյանը հարց ուղղեց ԿԳՄՍ նախարար Ժաննա Անդրեասյանին՝ հետաքրքրվելով մշակութային ժառանգության ու երկրի սահմանների փոխհարաբերությունների՝ նրա պատկերացումների մասին: Պատասխանը չգոհացրեց, պատգամավորն ավելի պարզ բացատրեց. «Արդյոք ՀՀ կառավարությունը, մշակույթի նախարարությունը պատասխանատու չի համարում իրեն ՀՀ տարածքից դուրս գտնվող հայկական մշակութային կրոնական ժառանգության հուշարձանների պահպանության համար»: Անդրեասյանն ասաց, որ մշակույթի ոլորտի լիազոր մարմինն ու պետական մարմիններն ունեն լիազորությունների հստակ շրջանակ, որն ամրագրված է Սահմանադրութամբ և օրենքներով. «Տալիս եք հարց, որի պատասխանն ինձնից լավ գիտեք. կարծում եմ՝ այդ հարցը տալու իմաստ չկա: Մեր պետությունը տեր է մեր մշակույթին»: