Գիտնականները պարզել են, որ խաղողի ամենօրյա օգտագործումն ապահովում է մաշկի պաշտպանությունը

Խաղողի օգտագործումը կարող է օգնել մաշկին պայքարել ուլտրամանուշակագույն ճառագայթների վնասակար ազդեցության դեմ: Այս մասին ասվում է ACS Nutrition Science ամսագրում հրապարակված հետազոտության մեջ:

Հետազոտության ընթացքում մասնակիցները երկու շաբաթ շարունակ ամեն օր կերել են խաղողի երեք չափաբաժին։ Այդ ժամանակահատվածից հետո կամավորների մոտ բարելավվել են մաշկի պաշտպանիչ գործառույթները և նվազել է ուլտրամանուշակագույն ճառագայթման ազդեցությունից առաջացած օքսիդատիվ սթրեսը։

Այսպիսով, գիտնականները եկել են այն եզրակացության, որ խաղողի ամենօրյա օգտագործումը ակտիվացնում է պաշտպանիչ գեները, որոնք մաշկն ավելի առողջ և ամուր են դարձնում: Հետազոտողները կարծում են, որ հայտնաբերված դրական ազդեցությունը կարող է տարածվել ոչ միայն մաշկի, այլև այլ օրգանների վրա: