«Ավտորիտար թատրոնը շարունակվելու է, քանի դեռ Փաշինյանը լուրջ ճնշում չի զգում ժողովրդի կողմից». Արտակ Բեգլարյան

Արցախի նախկին ՄԻՊ Արտակ Բեգլարյանը ֆեյսբուքյան իր էջում գրել է․ «ՔՊ-ն ու Փաշինյանը հերթական հակասահմանադրական քայլը արեցին՝ ապօրինի կերպով երեք տեղամասերում վերաքվեարկություն չկազմակերպելով ու ԲՀԿ-ին այդպիսով զրկելով անցողիկ շեմը հաղթահարելու հնարավորությունից:
Պետական բոլոր մարմինները, այդ թվում՝ իրավապահները, ԿԸՀ-ն ու այլ անկախ մարմիններն ապօրինի կերպով սպասարկել ու սպասարկում են Փաշինյանի վերարտադրության ցանկությանը՝ չապահովելով օրինական պայմաններ իրապես ժողովրդավարական ընտրությունների կազմակերպման համար:
Եվ այս հանցավոր ու ավտորիտար թատրոնը շարունակվելու է, քանի դեռ Փաշինյանը լուրջ ճնշում չի զգում ժողովրդի կողմից»: